Beschrijving

Daarde Grunneger roman van Ingeborg Nienhuis, 104 blz., begunstegersbouk van Stichting t Grunneger Bouk 2023, ISBN 978-90-70323-82-0.

Willem Hartsemoa is n oerdegelk jong. Op schoul speult zien woordblindhaid hom paarten, woardeur lu hom nait veul ien reken hebben. n Oetzunderlek talent het Willem: hai kin meroakel pioanospeulen.

Willem oefent op kerkörgels; speult mit kroakers ien Stad; gaait bie n bandje; dut mit aan n talentenjacht op televisie; krigt kennis aan lu dij hom veuroet helpen en gounent dij hom juust onderoet trappen; roakt tiedens n bezuik aan Amerikoa bezeten van Elvis; leert van zien twij beste pazzipanten over t jeudendom ien oostkaant van pervinzie en over t boerenbestoan aan westkaant; het laif en gaait deur verlais hoast aan zien haartzeer ten onder.
As Will Harris beleeft hai n odyssee deur t Grunneger laand. Zien muzikoaliteit en zien laifde veur t artiestenvak brengen hom ver. t Leven van dij legendarische artiest liekt geregeld soamen te valen mit hoogte- en daiptepunten oet de Grunneger geschiedenis van de leste haalve aiw. Was wat hai t laifste dee t weerd om de lu dij hai t laifste zaag veur te missen?

Ingeborg Nienhuis (1981) studeerde òf op Nedersaksische literatuur. Zai schreef n stuk of wat Grunneger en Nederlaandse bouken, dij nomineerd werden veur literaire priezen.Ien 2024 wordt heur Grunneger romandebuut Schoem of De Voarende Zoltkamper verfilm